గ్రీస్​లో తుపాను బీభత్సం- ఆరుగురు మృతి

గ్రీస్​ దేశంలో తుపాను బీభత్సం సృష్టించింది. జనజీవనం స్తంభించింది. ఈ ఘటనలో ఆరుగురు మృతి చెందారు. 140 మందికిపైగా గాయపడ్డారు. క్షతగాత్రులను ఆసుపత్రికి తరలించి చికిత్స అందిస్తున్నారు. మరణించిన వారిలో ఇద్దరు రష్యా, ఇద్దరు రోమానియా, ఇద్దరు చెక్​రిపబ్లిక్​ దేశస్థులుగా అధికారులు గుర్తించారు. తుపాను ధాటికి భారీ వృక్షాలు, విద్యుత్​ స్తంభాలు నెలకొరిగాయి. భారీగా ఇళ్లు, వాహనాలు ధ్వంసమయ్యాయి. థెస్సలోనికి నగరం సహా పలు ప్రాంతాల్లో ఎమర్జెన్సీ విధించారు.