వరదలో చిక్కిన యువకుడ్ని కాపాడిన వాయుసేన

ఛత్తీస్​గఢ్​లోని ఓ నదిలో చిక్కుకున్న ఓ యువకుడిని చాకచక్యంగా రక్షించింది భారత వైమానిక దళం(ఐఏఎఫ్​). బిలాస్​పుర్​లోని రతన్​పుర్​ ప్రాంతంలో గల ఖుతాఘాట్​ డ్యామ్​ సమీపంలో నీటిలోకి దూకాడో వ్యక్తి. ప్రవాహ ఉద్ధృతి అంతకంతకూ పెరగడం వల్ల.. ఎటూ వెళ్లలేక దగ్గరలోని చెట్లకొమ్మలను పట్టుకొని బిక్కుబిక్కుమంటూ నీటిలోనే ఉండిపోయాడు. సహాయక చర్యలు చేపట్టిన ఐఏఎఫ్​.. రెస్క్యూ టీమ్​ను రంగంలోకి దింపింది. హెలికాప్టర్​ నుంచి కిందకు ఓ తాడును వేలాడదీసి.. దాని ద్వారా ఓ సిబ్బంది కిందకు వచ్చి.. బాధితుడిని కాపాడారు.