కెప్టెన్​ వరుణ్​ సింగ్ కోలుకోవాలంటూ.. సైకత శిల్పం

captain varun singh health: కూనూర్​ హెలికాప్టర్​ ప్రమాదంలో తీవ్రంగా గాయపడ్డ కెప్టెన్​ వరుణ్​ సింగ్​ త్వరగా కోలుకోవాలని ప్రముఖ కళాకారుడు సుదర్శన్‌ పట్నాయక్‌ ఆకాంక్షించారు. ఒడిశాలోని పూరీ తీరంలో ఆయన సైకత శిల్పాన్ని తీర్చిదిద్దారు. వరుణ్​ సింగ్ త్వరగా కోలుకోవాలని యావత్​ దేశం కోరుకుంటోందనే సందేశాన్ని తన కళాఖండంలో పొందుపర్చారు. ఇదే ప్రమాదంలో బిపిన్ రావత్ దంపతులతో పాటు మరో 11 మంది సైనికాధికారులు మృతి చెందారు. కెప్టెన్​ వరుణ్ సింగ్​ మాత్రం ప్రాణాలతో బయటపడ్డారు.