గణేశుడి ముందు చిందులేసిన ట్రాఫిక్​ పోలీసులు!

తొమ్మిది రోజులు లక్షలాది రూపాల్లో పూజలందుకున్న లంబోదరుణ్ని తిరిగి కైలాసానికి ఘనంగా సాగనంపేటప్పుడు ఆ మాత్రం జోష్​ ఉంటుంది మరి. చిన్నా పెద్దా తేడా లేకుండా ఉత్సాహంగా పాల్గొనే ఈ శోభయాత్రలో ట్రాఫిక్ పోలీసులు మాత్రం విధి నిర్వహణలో గడిపేస్తారు. కానీ.. మహారాష్ట్ర నాసిక్​లో బొజ్జ గణపయ్య నిమజ్జనాన్ని ఆనందంగా ఆస్వాదిస్తున్నారు ట్రాఫిక్​ పోలీసులు. గణపతి బప్పా మోరియా అంటూ నృత్యాలు చేస్తూ వినాయకుడికి వీడ్కోలు చెప్పారు. మహిళా పోలీసులు కూడా డోలు వాయించారు.