కదిలే రైలు నుంచి కిందపడిన మహిళ

రాజస్థాన్​లోని దౌసా రైల్వే స్టేషన్​లో కదిలే రైలు నుంచి ఓ మహిళ పడిపోయింది. కుటుంబంతో కలిసి రైల్వే స్టేషన్​కు వచ్చిన ఆమె కదిలే రైలు ఎక్కేందుకు ప్రయత్నించగా ఇలా జరిగింది. అయితే అక్కడ ఉన్న ఆర్​పీఎఫ్​ సిబ్బంది చాకచక్యంగా వ్యవహరించి మహిళ ప్రాణాలు కాపాడారు. తన భర్త అప్పటికే రైలు ఎక్కేయడం వల్ల తాను ఇలా చేయాల్సి వచ్చిందని ఆమె చెప్పింది.