నేటి నుంచి కేదార్​నాథ్​ ఆలయ దర్శనం

ఉత్తరాఖండ్​లో కొలువైన నాలుగు పుణ్యక్షేత్రాల్లో ఒకటైన కేదార్​నాథ్​ ఆలయం 6 నెలల అనంతరం తెరుచుకుంది. చార్​ధామ్​ యాత్రలో భాగంగా గంగోత్రి, యమునోత్రి తరువాత భక్తులు దర్శించుకనే మూడో ఆలయం ఇదే. ఆలయాన్ని విద్యుత్​ దీపాలు, పూల మాలలతో సుందరంగా అలంకరించారు. వేల మంది యాత్రికుల సమక్షంలో ఆలయ ద్వారాన్ని తెరిచారు పూజారులు. బద్రీనాథ్​ ఆలయ తలుపులు ఈ నెల 10న తెరుచుకుంటాయి. బద్రీనాథ్​ సందర్శనతో చార్​ధామ్​ యాత్ర ముగించుకుంటారు భక్తులు.