బస్సు వెళ్తుండగా విరిగిపడిన కొండ.. ఆ తర్వాత?

ఉత్తరాఖండ్​లోని నైనిటాల్​లో త్రుటిలో పెను ప్రమాదం తప్పింది. భారీ వర్షాలకు వీర్​ భట్టీ ప్రాంతంలో శుక్రవారం సాయంత్రం రహదారిపై కొండచరియలు విరిగిపడ్డాయి. అదే సమయంలో 14 మంది ప్రయాణికులతో కేఎంఓయూకు చెందిన బస్సు అల్మోరా నుంచి హల్దివానికి వెళ్తోంది. బస్సుకు అడుగుల దూరంలోనే ఈ ఘటన జరగటం వల్ల ప్రయాణికులు భయాందోళనకు గురయ్యారు. కొండచరియలు విరిగిపడుతున్న క్రమంలో.. బస్సు కిటికీల్లోంచి దూకి ప్రాణాలు కాపాడుకున్నారు.