గాంధీ 150: సత్యాగ్రహ ఉద్యమంలో 'బక్సర్'​ ముఖ్యపాత్ర!

దాదాపు 200 సంవత్సరాల పాటు బ్రిటీష్​ అణచివేతను ఎదుర్కొన్న తర్వాత 1947 ఆగస్టు 15న భారతదేశం స్వాతంత్య్రం పొందింది. ఇంగ్లీషు పాలకుల నుంచి దేశాన్ని విముక్తి చేసేందుకు లక్షలాది మంది ప్రాణ త్యాగం చేశారు. దేశ స్వేచ్ఛ కోసం ప్రాణాలను అర్పించిన వారి ధైర్యసాహసాల వల్లే ఈ రోజు మనం స్వాతంత్య్రాన్ని జరుపుకుంటున్నాం. స్వాతంత్య్ర ఉద్యమ సమయంలో మహాత్మాగాంధీ సత్యం, అహింసను ఆయుధంగా చేసుకున్నారు. వాటితోనే అత్యంత శక్తిమంతమైన బ్రిటీష్​ సామ్రాజ్యం మెడలు వంచారు. గాంధీ సత్యాగ్రహ ఉద్యమంలో బిహార్​లోని బక్సర్ నగరం​ ముఖ్య పాత్ర పోషించింది. బక్సర్​ అధ్యాయం ఆయన మహాత్ముడిగా మారేందుకు దారితీసిందని చెప్పొచ్చు.