విగ్రహ తయారీ కేంద్రంలో అగ్నిప్రమాదం

కోల్​కతా పటౌలీ ప్రాంతంలోని విగ్రహ తయారీ కేంద్రంలో భారీ అగ్నిప్రమాదం జరిగింది. మధ్యాహ్నం 2.30 గంటల సమయంలో ఫ్యాక్టరీలో పెద్ద ఎత్తున అగ్నికీలలు ఎగసిపడ్డాయి. తక్షణమే స్పందించిన అగ్నిమాపక సిబ్బంది.. 4 యంత్రాల సాయంతో గంటల పాటు కష్టపడి మంటలు అదుపులోకి తెచ్చారు. ఘటనలో దాదాపు 20 లక్షలకు పైగా ఆస్తి నష్టం సంభవించినట్లు సమాచారం. ఫ్యాక్టరీలో మండేవస్తువులు నిల్వ చేయడం వల్లే ప్రమాదం జరిగిందని అధికారులు ప్రాథమికంగా వెల్లడించారు.