చెన్నైలో మళ్లీ వర్ష బీభత్సం- ఇబ్బందుల మధ్యే న్యూఇయర్​కు స్వాగతం!

Chennai Rains: తమిళనాడును మళ్లీ భారీ వర్షాలు వణికిస్తున్నాయి. గురువారం రాత్రి నుంచి ఎడతెరిపి లేని వానలతో.. ప్రజలు అల్లాడిపోతున్నారు. లోతట్టు ప్రాంతాలు జలదిగ్బంధంలో చిక్కుకున్నాయి. పలు చోట్ల రోడ్లపై నీరు చేరింది. ట్రాఫిక్​కు తీవ్ర అంతరాయం ఏర్పడింది. వాహనాలు కిలోమీటర్ల మేర నిలిచిపోయాయి. రాష్ట్రానికి మరో ఐదు రోజులు వర్షసూచన ఉన్నట్లు వాతావరణ శాఖ అంచనా వేసింది. చెన్నై, కాంచీపురం, తిరువల్లూర్, చెంగల్​పట్టు జిల్లాలకు రెడ్​ అలర్ట్​ జారీ చేసింది. వరద ప్రభావిత ప్రాంతాల్లో సీఎం స్టాలిన్​ పర్యటించారు. అధికారులతో సమీక్ష నిర్వహించి.. సహాయక చర్యలకు ఉపక్రమించారు.