డ్యూటీ కోసం ఇద్దరు మహిళల సాహసం

ఒడిశాలో ఇద్దరు అంగన్​వాడీ కార్యకర్తలు విధులకు హాజరవుతున్న తీరు ఆదర్శంగా నిలుస్తోంది. మల్కన్​గిరి జిల్లా రాణిగూడకు చెందిన హేమలత, ప్రమీళ అనే ఇద్దరు మహిళలు విధులు నిర్వహించేందుకు పొరుగూరికి వెళ్లాలి. అయితే ఎడతెరపిలేని వర్షాల కారణంగా ఆ ప్రాంతంలో వరదలు పోటెత్తాయి. చుట్టుపక్కల గ్రామాలతో సంబంధాలు తెగిపోయాయి. అయినప్పటికీ ఆ మహిళలు తమ ప్రాణాలను పణంగా పెట్టి.. మరో ఇద్దరి సాయంతో ప్రమాదకరస్థాయిలో ప్రవహిస్తున్న నదిని దాటి విధులకు హాజరయ్యారు.