పూరమ్​ ఉత్సవాల్లో 'గజరాజు' బీభత్సం.. భక్తులు హడల్​

Elephant Ruckus Pooram: కేరళలోని త్రిస్సూర్​లో జరుగుతున్న పూరమ్​ ఉత్సవాల్లో ఓ గజరాజు బీభత్సం సృష్టించింది. మావటి నుంచి తప్పించుకుని హల్​చల్​ చేసింది. దీంతో భక్తులు భయంతో పరుగులు పెట్టారు. అయితే, భక్తుల రద్దీ ఎక్కువగా ఉండే టెంపుల్​ ప్రాంగణానికి వెలుపల ఈ సంఘటన జరగటం వల్ల పెను ప్రమాదం తప్పింది. 'పూరమ్​ ఉత్సవాలను ప్రారంభించేందుకు కనిమంగళమ్​ శస్థవ్​ ఊరేగింపు కోసం మచత్​ ధర్మాన్​ అనే ఏనుగును తీసుకొచ్చారు. ఊరేగింపు మనికండనాలుకు చేరుకున్న తర్వాత ఏనుగు ఇష్టారీతిలో పరుగులు పెట్టింది. అయితే, దేనిని ధ్వంసం చేయలేదు, ఎవరీకి హాని తలపెట్టలేదు. ఆ ప్రాంతంలో తక్కువ మంది ఉండటం వల్ల సులభంగా తప్పించుకోగలిగారు. ఏనుగుల నిర్వహణ బృందం వచ్చి దానిని అదుపు చేశారు.' అని పోలీసులు తెలిపారు.