సృష్టి మనకిచ్చిన అద్భుత వరాల్లో శృంగారం కూడా ఒకటి. ఆడ, మగ కలయికలో అంతులేని ఆనందం ఉంటుంది. అయితే వయసులో ఉన్న కొంతమంది యువకులకు అంగస్తంభన జరగదు. అసలు ఎందుకు అలా జరుగుతుంది? అందుకు కారణాలేంటి? ఈ ప్రశ్నలకు నిపుణులు డా.సమరం క్లుప్తంగా సమాధానమిచ్చారు.
"వయసులో ఉన్న యువకులకు అంగస్తంభన జరగకపోతే దానికి ఓ కారణం మానసిక సమస్య. ఒకర్ని ప్రేమించి .. మరొకర్ని పెళ్లి చేసుకుంటే సెక్స్పై కోరిక కలగదు. మనసులో ఎప్పుడూ ప్రియురాలు మెదులుతుంటుంది. మరికొంతమందికి తమకున్న సమస్యల వల్ల డిప్రెషన్లో ఉంటారు. అలాంటి వారికి కూడా శృంగారంపై ఆసక్తి కలగదు."
-డా. సమరం, నిపుణులు
"కొందరు యువకుల్లో ఆత్మనూన్యత భావం తక్కువ ఉంటుంది. భార్య అందంగా ఉండి.. తాము కాస్త నల్లగా ఉంటే ఏవోవో ఊహించుకుంటూ ఉంటారు. అలాంటి వారికి సెక్స్పై ఆసక్తి కలగదు. మరికొందరికి హార్మోన్ల సమస్యల వల్ల అంగస్తంభన జరగదు. ఏదేమైనా ఈ సమస్యతో బాధపడుతున్న వారికి మానసికంగా అండగా నిలిచి.. అన్నిరకాల ఆరోగ్య పరీక్షలు చేయించాలి" అంటూ నిపుణులు చెప్పుకొచ్చారు.
ఇవీ చదవండి: బరువు తగ్గాలా? అయితే వాటిని అలా తినొద్దు!
గర్భిణుల్లో దంత సమస్యలు.. జాగ్రత్తలు తీసుకోకుంటే బిడ్డమీదా ప్రభావం!
