Vitamin E Health Benefits In Telugu : ప్రస్తుత కాలంలో వాతావరణంలో భారీగా మార్పులు సంభవిస్తున్నాయి. కాలుష్యం కూడా విపరీతంగా పెరుగుతోంది. ఉష్ణోగ్రతలూ రోజురోజుకు ఎక్కువవుతున్నాయి. ప్రజల లైఫ్ స్టైల్లోనూ మార్పులొచ్చాయి. ఇదంతా మన ఆరోగ్యంపై తీవ్ర ప్రభావాన్ని చూపుతోంది. ముఖ్యంగా జుట్టు, చర్మానికి ఎక్కువ నష్టం జరుగుతోంది. ఈ నేపథ్యంలోనే విటమిన్-ఇ ఎక్కువగా తీసుకోవాలని చెబుతున్నారు వైద్య నిపుణులు. నిత్యం విటమిన్-ఇ తీసుకోవడం వల్ల కలిగే ప్రయోజనాల గురించి ఇప్పుడు తెలుసుకుందాం.
చర్మానికి కలిగే లాభాలు..
Vitamin E Benefits For Skin : చర్మం ఆరోగ్యవంతంగా ఉండేందుకు విటమిన్-ఇ తోడ్పడుతుంది. సోలార్ రేడియేషన్ ద్వారా వచ్చే రాడికల్ స్కావెంజర్ నుంచి ఇది రక్షణ కల్పిస్తుంది. అందుకే చాలా స్కిన్ కేర్ ప్రొడక్ట్స్లలో-ఇ విటమిన్ను విరివిగా ఉపయోగిస్తారు. నిత్యం ఏదో విధంగా విటమిన్-ఇ తీసుకోవడం వల్ల చర్మం మృదువుగా తయారవుతుందని వైద్యనిపుణలు చెబుతున్నారు. దాంతోపాటు వయస్సు మీద పడటం ద్వారా వచ్చే ముడుతలు, మచ్చలు రాకుండా చేయవచ్చని వారు అంటున్నారు. అదేవిధంగా చర్మంపై వచ్చే వాపు, చికాకు నుంచి ఇ విటమిన్ ఉపశమనం కలిగిస్తుందని వెల్లడిస్తున్నారు.
జుట్టుకు కలిగే లాభాలు..
Vitamin E Benefits For Hair : జుట్టు ఎదుగుదలకు విటమిన్-ఇ ఎంతగానో సాయపడుతుంది. జుట్టుకు ఆక్సిజన్, రక్తాన్ని సమృద్ధిగా అందించడంలో ఇది కీలకంగా వ్యవహరిస్తుంది. డాండ్రఫ్ సమస్య నుంచి చాలా వరకు విముక్తి కలిగిస్తుంది. తలపై ఇన్ఫ్లమేషన్ తగ్గించేందుకు తోడ్పడుతుంది. జుట్టును పొడిబారకుండా చేస్తుంది. జుట్టు నిగారింపు పెంచేందుకు, దృఢంగా ఉండేందుకు విటమిన్-ఇ దోహదపడుతుంది.
విటమిన్-ఇ ఎక్కువగా ఉండే పదార్థాలు..
Vitamin E Rich Foods : విత్తనాలు, హాజెల్ నట్స్, వేరుశనగ, పైన్ గింజలు, బాదంలో విటమిన్-ఇ పుష్కలంగా ఉంటుంది. అదేవిధంగా.. పొద్దుతిరుగుడు నూనె, బచ్చలికూర, మామిడి, బొప్పాయి, కివీస్ పండ్లతో పాటు బ్రౌన్ రైస్, బార్లీలోనూ విటమిన్ ఇ ఎక్కువగా ఉంటుందని ఆరోగ్య నిపుణులు చెబుతున్నారు.
శరీరానికి విటమిన్-ఇ రాయడం..
Vitamin E Topical Application : అయితే విటమిన్ 'ఇ'ని కేవలం ఆహారం రూపంలోనే కాకుండా.. శరీరానికి సైతం పూసుకోవచ్చని ఆరోగ్య నిపుణులు చెబుతున్నారు. పొడిబారిన చర్మానికి విటమిన్-ఇ పూయాలని వారు వెల్లడిస్తున్నారు. తలకు రాసుకుంటే దృఢమైన నిగారింపు జుట్టును సొంతం చేసుకోవచ్చని వారు అంటున్నారు.
హెల్త్ సప్లిమెంట్గా విటమిన్-ఇ..
Vitamin E Supplement : ప్లాంట్బెస్డ్ సప్లిమెంట్ రూపంలోనూ విటమిన్-ఇ తీసుకోవచ్చు. సింథటిక్ విటమిన్-ఇతో పోలిస్తే.. శరీరంలో ఇది తేలిగ్గా కలిసిపోతుంది. కాకపోతే మార్కెట్లో దొరికే మంచి వేగాన్ క్యాప్యూల్స్ను వాడటం మంచిది. అయితే ఇవి కొద్ది కాలం వరకు మాత్రమే ప్రయోజనాలను చేకూరుస్తాయని నిపుణులు చెబుతున్నారు. అందుకే ఎక్కువ కాలం క్యాప్యూల్స్పై ఆధాపడవద్దని సూచిస్తున్నారు.
రోజుకు ఎంత మొత్తం విటమిన్-ఇ అవసరం..
Vitamin E Rich Foods : సాధారంగా పెద్దలకైతే రోజుకు 15మిల్లిగ్రాముల విటమిన్-ఇ అవసరం అవుతుందని ఆరోగ్య నిపుణులు చెబుతున్నారు. అయితే వివిధ రకాల వ్యక్తుల శరీరం ఆధారంగా ఈ లెక్కలు మారే అవకాశం ఉందని వారు వెల్లడిస్తున్నారు. అందుకే వైద్యులను సంప్రందించి రోజుకు ఎంత మొత్తంలో విటమిన్-ఇ తీసుకోవాలో తెలుసుకోవాలని సూచిస్తున్నారు.
ఎక్కువగా తీసుకుంటే ఏమవుతుంది?
Vitamin E Side Effects : విటమిన్-ఇను మరీ ఎక్కువగా తీసుకున్న సైడ్ ఎఫెక్ట్స్ వస్తాయని అంటున్నారు వైద్య నిపుణులు. అవి శరీరానికి నష్టం కలిగిస్తాయని హెచ్చరిస్తున్నారు. కడుపు నొప్పి, డయేరియా, వికారం, చర్మం ఇరిటేషన్ వచ్చే అవకాశం ఉందని చెబుతున్నారు. అవసరం ఉన్న మేరకే విటమిన్-ఇ తీసుకోవాలి సూచిస్తున్నారు.
Stroke Deaths worldwide : 2050 నాటికి కోటి బ్రెయిన్ స్ట్రోక్ మరణాలు.. ఆ దేశాల్లోనే ఎక్కువ!
Benefits of Almonds in Telugu : ఈ డ్రైఫ్రూట్ తింటే బరువు తగ్గుతారు.. ఎలా తిన్న ఏం కాదు..
