యాదాద్రి భువనగిరి జిల్లా మోత్కూరు మున్సిపాలిటీ కేంద్రంలో వేగంగా సూపర్ స్ప్రెడర్ల జాబితా తయారు చేశారు. ప్రభుత్వ ఆదేశాల ప్రకారం సూపర్ స్ప్రెడర్స్ అయిన దుకాణ యజమానులు, మటన్, చికెన్, ఫిష్, కూరగాయల మార్కెట్ , పండ్ల మార్కెట్, హోటల్ యజమానులు వివరాల నమోదు కార్యక్రమాన్ని మున్సిపాలిటీ సిబ్బంది పూర్తి చేశారు. ఈ కార్యక్రమాన్ని మున్సిపాలిటీ కమిషనర్ మహమూద్ షేక్ పరిశీలించారు.
వివరాలు నమోదు చేసుకున్న వారికి.. టీకా వేసుకునే తేదీ, సమయం చరవాణికి మెసేజ్ వస్తుందని ఆయన తెలిపారు. మెసేజ్ వచ్చిన వారికి స్థానిక ఉన్నత పాఠశాలలో టీకాలు ఇస్తామని వెల్లడించారు. ఈ కార్యక్రమంలో పురపాలక సంఘ సిబ్బంది పాల్గొన్నారు.
ఇదీ చుడండి: మల్కాజిగిరి డీసీపీ తీరుపై ఎమ్మెల్యే సీతక్క ఆవేదన
