భువనగిరిలో భారీ వర్షం... చల్లబడిన వాతావరణం

ఇవాళ సాయంత్రం కురిసిన వర్షంతో యాదాద్రి భువనగిరి జిల్లా భువనగిరి నియోజకవర్గ ప్రజలు హర్షం వ్యక్తం చేస్తున్నారు. ఇన్నాళ్లు ఎండ తీవ్రత, ఉక్కపోతతో ఇబ్బంది పడ్డ ప్రజలు నేటి వర్షంతో కాస్త చల్లబడ్డారు.

యాదాద్రి భువనగిరి జిల్లా భువనగిరి, బీబీనగర్, పోచంపల్లి, వలిగొండ మండలాల్లో ఈరోజు సాయంత్రం భారీ వర్షం కురిసింది. ఇన్నిరోజులు ఎండల తీవ్రత, ఉక్కపోతతో ఇబ్బంది పడ్డ ప్రజలు... ఇవాళ కురిసిన వర్షంతో కాస్త చల్లబడ్డారు. వర్షంతో హైదరాబాద్-వరంగల్ జాతీయ రహదారిపై వాహనాల రాకపోకలకు అంతరాయం ఏర్పడింది. భువనగిరి పట్టణంలో రోడ్లు జలమయమయ్యాయి. వర్షం నీటితో డ్రైనేజీలు పొంగిపొర్లుతున్నాయి.నియోజకవర్గ వ్యాప్తంగా వర్షంతో ఎలాంటి నష్టం సంభవించ లేదు.

ఇదీ చూడండి: చిరుత: అడవి నాదే..నగరం నాదే..