యాదాద్రి భువనగిరి జిల్లా మోత్కూర్ పరిధిలో అక్రమ నిర్మాణాలు చేపడుతోన్న వారిపై చర్యలు తీసుకోవాలంటూ.. మున్సిపల్ కమిషనర్ మహమూద్ అలీకు అఖిలపక్షం వినతిపత్రం అందజేసింది. ప్రభుత్వ భూములను ఆక్రమించిన వారిపై తక్షణమే కఠిన చర్యలు తీసుకోవాలని కోరింది. మార్కెట్ స్థలంలో అక్రమ నిర్మాణం కేసుపై కోర్టులో విచారణ జరుగుతోన్నప్పటికీ.. మళ్లీ నిర్మాణం చేపడుతోన్నారని నేతలు పేర్కొన్నారు.
ఈ మేరకు కమిషనర్ స్పందించారు. విచారణ జరిపి, చర్యలు తీసుకుంటామని హామీ ఇచ్చారు. నిబంధనలకు విరుద్ధంగా నిర్మించిన నిర్మాణాలను తొలగిస్తామని స్పష్టం చేశారు.
