యాదాద్రి భువనగిరి జిల్లా చౌటుప్పల్, నారాయణపురం మండల కేంద్రాల్లో మద్యం అమ్మకాలు భారీగా పెరిగాయి. కరోనా సెకండ్ వేవ్ నియంత్రణ నేపథ్యంలో రాష్ట్ర ప్రభుత్వం రేపటి నుంచి అమలు చేయనున్న లాక్డౌన్ దృష్ట్యా.... మద్యం ప్రియులు వైన్సులకు పరుగులు తీశారు. గతేడాది మాదిరిగా మద్యం దొరకక ఇబ్బందులు పడకూడదని ముందుజాగ్రత్త పడుతున్నారు.
మద్యాన్ని పెద్ద ఎత్తున కొనుగోలు చేస్తున్నారు. ఒక్కొక్కరు కాటన్ల కొద్ది మద్యాన్ని కొనుగోలు చేసి... ఇళ్లకు తీసుకెళ్తున్నారు. ఈ క్రమంలో మద్యం దుకాణాల వద్ద భారీ క్యూలైన్లతో సందడి వాతావరణం నెలకొంది. ముందు మందు తీసుకోవాలన్న తొందర్లో పడి పలు చోట్ల ప్రజలు భౌతిక దూరం, మాస్కులు ధరించటం లాంటి నింబంధనలు గాలికొదిలేశారు.
