కలెక్టర్​ను కలిసిన హాజీపూర్ బాధిత కుటుంబాలు

సైకో శ్రీనివాస్ రెడ్డి చేతిలో బలైపోయిన హాజీపూర్ బాలికల కుటుంబాలు యాదాద్రి భువనగిరి జిల్లా కలెక్టర్ అనితా రామచంద్రన్​ను కలిశారు. నిందితుడిని కఠినంగా శిక్షించాలని డిమాండ్ చేశారు.

యాదాద్రి భువనగిరి జిల్లా కలెక్టర్ అనితా రామచంద్రన్​ను హాజీపూర్ బాధిత కుటుంబ సభ్యులు కలిశారు. తమకు న్యాయం చేయాలని, నిందితుడు శ్రీనివాస్ రెడ్డిని కఠినంగా శిక్షించాలని వినతి పత్రం సమర్పించారు. ముఖ్యంగా కేసు విచారణకు ఫాస్ట్ ట్రాక్ కోర్టును ఏర్పాటు చేయాలని డిమాండ్ చేశారు. బాధిత కుటుంబంలో ఒకరికి ప్రభుత్వ ఉద్యోగం కల్పించాలని అలాగే ప్రతి కుటుంబానికి 50 లక్షల పరిహారం అందించాలని విజ్ఞప్తి చేశారు. నిందితుడి భూమిని బాధిత కుటుంబాలకు సమానంగా పంచాలని కోరారు. మాచనపల్లి నుంచి హాజీపూర్​కు బ్రిడ్జి నిర్మించాలని బాధిత కుటుంబాలు పేర్కొన్నాయి.

ఇవీ చూడండి: పారిపోలేదు... విశ్రాంతి తీసుకున్నా... తీసుకుంటా!