భువనగిరిలో భాజపా, ఏబీవీపీ ఆందోళన

భాజపా నుంచి గెలిచిన కౌన్సిలర్​ తెరాసలో చేరడంపై భువనగిరిలో భాజపా, ఏబీవీపీ కార్యకర్తలు ఆందోళన చేశారు. పార్టీ మారిన సభ్యుడు వెంటనే రాజీనామా చేయాలని డిమాండ్​ చేశారు.

యాదాద్రి భువనగిరి జిల్లా భువనగిరి మున్సిపాలిటీ ఎన్నికల్లో 22వ వార్డు అభ్యర్థిగా భాజపా నుంచి పోటీ చేసి బొర్రా రాకేశ్​ గెలుపొందారు. పార్టీ ఆదేశాలకు వ్యతిరేకంగా ఛైర్మన్ ఎన్నిక రోజు సమావేశానికి గైర్హాజరయ్యారు. తెరాసకు అనుకూలంగా వ్యవహరించినందుకు వెంటనే బొర్రా రాకేశ్​ రాజీనామా చేయాలంటూ నల్గొండ చౌరస్తాలో భాజపా, ఏబీవీపీ కార్యకర్తలు ఆందోళన చేశారు. కార్యకర్తల విశ్వాసాలు, నమ్మకాలను, శ్రమను పునాదిగా చేసుకుని గెలిచిన రాకేశ్​ అధికార పార్టీ ప్రలోభాలకు లొంగిపోయారని ఆరోపించారు.

ఇవీ చూడండి: మిషన్ భగీరథకు రూ.19 వేల కోట్లు కావాలి : హరీశ్​రావు