ద్విచక్ర వాహనాలు దొంగతనం చేస్తూ.. పోలీసుల కళ్లు గప్పి తిరుగుతున్న ఇద్దరు బైకు దొంగలను పోలీసులు పట్టుకున్నారు. ములుగుజిల్లా గోవిందరావు పేటకు చెందిన ఎండీ అఫ్జల్, జంపయ్యలు.. వరంగల్లోని దేశాయిపేటలో నివాసం ఉంటున్నారు. అఫ్జల్ 2004 నుంచి బైకు దొంగతనాలు చేస్తున్నాడు. ఈ క్రమంలో అఫ్జల్ మొత్త 19 బైకులు దొంగిలించి.. అమ్మేశాడు. రెండు ఇళ్లలో చోరీ కూడా చేశాడు. 2017లో అరెస్టయి.. జైలు శిక్ష కూడా అనుభవించాడు. 2019లో విడుదలై.. మిత్రుడు జంపయ్యతో కలిసి.. మళ్లీ దొంగతనాలు ప్రారంభించాడు. ఈ క్రమంలో వరంగల్ పట్టణంలో ఓ బైకు దొంగిలించి దాన్ని అమ్మడానికి తీసుకెళ్తున్న క్రమంలో పోలీసులు వారిని పట్టుకున్నారు. సులభంగా డబ్బు సంపాదించే మార్గాలకు అలవాటు పడి.. దొంగతనాలు చేస్తున్నట్టు.. పోలీసులు తెలిపారు.
ఇవీ చూడండి: మహబూబాబాద్ జిల్లా చీకటాయపాలెంలో రోడ్డు ప్రమాదం
