Tarak Ponnappa Pushpa 2 Dialogue : పుష్ప 2 సినిమా బాక్సాఫీస్ ముందు దుమ్మురేపుతోన్న సంగతి తెలిసిందే. అయితే సినిమా అంతా ఒక ఎత్తు అయితే, సినిమాలోని జాతర సీన్ మరో ఎత్తు. ఆ సన్నివేశంలో అల్లు అర్జున్ అమ్మవారి వేషధారణలో ప్రేక్షకులకు పూనకాలు తెప్పించేశారు. బన్నీ ఆహార్యం, హావాభావాలు, సాంగ్, డ్యాన్స్, చుట్టూ ఉన్న జాతర వాతావరణం థియేటర్లను షేక్ చేసేశాయి.
ఈ పాట తర్వాత వచ్చే ఫైటింగ్ సీక్వెన్స్ కూడా అదిరిపోతుంది. ఆ సన్నివేశంలో బుగ్గారెడ్డి పాత్ర (అరగుండు)లో నటుడు తారక్ పొన్నప్ప కూడా తన విలనిజంతో బాగా ఆకట్టుకున్నాడు. సినిమాలో ఆయన కనిపించేది కాసేపే అయినా, పాత్ర మాత్రం కీలకం. రప్పారప్పా ఫైట్ సీన్‌లో ఆయన పాత్ర కీలకంగా ఉంటుంది.
అయితే తాజాగా ఇచ్చిన ఓ ఇంటర్వ్యూలో పుష్ప 2లో తన పాత్రకు సంబంధించిన ఓ డైలాగ్‌ను ఎడిటింగ్‌లో డిలీట్ చేసినట్లు చెప్పారు తారక్. అంతేకాదు ఆ డైలాగ్‌ను కూడా ఇంటర్వ్యూలో చెప్పారు. "పుష్ప, ఆ పొద్దు నువ్వు జాతరలో కొట్టినప్పుడు నాకేం అనిపిచ్చలే, ఏదో అన్నతమ్ముడి కొట్లాట అని వదిలేసినా, కానీ ఈ పొద్దు టీవీలో వార్నింగ్ ఇచ్చినావ్ చూడు, అప్పుడు తగిలినాది నువ్వు కొట్టిన ప్రతీ దెబ్బ, ఏందీ ఆ అమ్మి మీద చిన్న గీటు పడితే రప్పారప్పా అని నరుకుతావా" అంటూ డిలీటెడ్ డైలాగ్‌ను అదిరేలా చెప్పారు తారక్.
కాగా, పుష్ప 2 విషయానికొస్తే బాక్సాఫీస్ దగ్గర ఇప్పటికే ఈ చిత్రం రూ.1500 కోట్లకు పైగా గ్రాస్ వసూళ్లు సాధించి రికార్డుల మీద రికార్డులు సృష్టిస్తోంది. ఇండియన్ బాక్సాఫీస్ ముందు అత్యంత వేగంగా ఈ ఫీట్ అందుకున్న చిత్రంగా నిలిచింది. చిత్రంలో రష్మిక మంధాన హీరోయిన్గా నటించగా, శ్రీలీల స్పెషల్ సాంగ్లో చిందులేసింది. ఫహాద్ ఫాజిల్ విలన్ పాత్రలో నటించారు. జగపతి బాబు, రావు రమేష్, సునీల్, అనసూయ సహా పలువరు కీలకపాత్రల్లో నటించారు. దేవిశ్రీ ప్రసాద్ సినిమాకి సంగీతం అందించారు.
'కిస్‌, కిస్‌, కిస్‌, కిస్సిక్‌' ఫుల్‌ వీడియో సాంగ్ ఆగయా(pushpa 2 kissik song) - సినిమాలో కిస్‌ కిస్‌ కిస్‌ కిస్సిక్‌ అంటూ సాగే ఈ పాటకు యువతలో విశేష ఆదరణ దక్కింది. ఈ నేపథ్యంలోనే మూవీ టీమ్ తాజాగా కిస్సిక్‌ ఫుల్‌ వీడియో సాంగ్ను రిలీజ్ చేసింది. పాటలో అల్లు అర్జున్, శ్రీలీల డ్యాన్స్ ప్రేక్షకులను విశేషంగా ఆకట్టుకుంది.
నార్త్ ఇండియాలో 'పుష్ప 2' విధ్వంసం - ఏకంగా ఎన్ని కోట్లంటే?
'నన్ను నమ్మండి' - లీక్డ్ ఫొటోపై 'రాజాసాబ్' బ్యూటీ నిధి అగర్వాల్ రియాక్షన్
