రాష్ట్రానికి కాజీపేట కోచ్ ఫ్యాక్టరీని... కేంద్రం తప్పకుండా మంజూరు చేయాలని లోక్‌సభలో బడ్జెట్‌పై చర్చలో తెరాస లోక్సభాపక్ష నేత నామ నాగేశ్వరరావు విజ్ఞప్తి చేశారు. తెలంగాణకు రావాల్సిన వివిధ రైల్వే లైన్లలపై ఇప్పటికే కేంద్రం దృష్టికి తీసుకువచ్చామని తెలిపారు.
''రైల్వే కోచ్ ఫ్యాక్టరీని రద్దు చేస్తూ ఈ మధ్యనే ఓ లేఖ ఇచ్చారు. పార్లమెంటులో ఆమోదం పొంది చట్టం అయిన తర్వాత కోచ్ ఫ్యాక్టరీని నిర్మించాలి. అలా హామీని అమలు చేయకపోతే.. పార్లమెంటు చేసిన చట్టంపై ప్రజల విశ్వాసం కోల్పోతారు. కాజీపేట కోచ్ ఫ్యాక్టరీని తప్పకుండా తెలంగాణకు మంజూరు చేయాలి.''
-నామ నాగేశ్వరరావు, తెరాస లోక్సభాపక్ష నేత
భద్రాచలం-కొవ్వూరు రైల్వే లైన్కు తన చిన్న తనం నుంచి డిమాండ్‌ ఉందని నామ తెలిపారు. అయితే సభలో నామ ప్రసంగిస్తున్న సమయంలోనే... ప్యానల్‌ స్పీకర్‌గా వ్యవహరిస్తున్న మిథున్‌ రెడ్డి... నామకు పుట్టిన రోజు శుభాకాంక్షలు చెప్పటంతో... సభలో సందడి నెలకొంది.
ఇదీ చూడండి: బడ్జెట్‌పై ముఖ్యమంత్రి కేసీఆర్ తుది కసరత్తు
