దాతలు ముందుకురావడం అభినందనియం: ఎమ్మెల్యే రమేష్

లాక్​డౌన్ నేపథ్యంలో ఇబ్బందులకు గురవుతున్న పేదలను ఆదుకునేందుకు దాతలు ముందుకు రావడం అభినందనీయమని వర్ధన్నపేట ఎమ్మెల్యే అరూరి రమేష్ అన్నారు. కాజీపేట మండలం 35వ డివిజన్​లోని రాజీవ్ గృహకల్ప నివాస సముదాయంలో నివాసముంటున్న పేదలకు కూరగాయలు పంపిణీ చేశారు.

దాతల సహకారంతో సమకూర్చిన కూరగాయలను వరంగల్ అర్బన్ జిల్లా కాజీపేట మండలం 35వ డివిజన్​లోని రాజీవ్ గృహకల్ప నివాస సముదాయంలో నివాసముంటున్న పేదలకు వర్ధన్నపేట ఎమ్మెల్యే అరూరి రమేష్ చేతుల మీదుగా పంపిణీ చేశారు. సుమారు 400 కుటుంబాలకు ఒక్కొక్కరికి 5 కిలోల చొప్పున కూరగాయలు వారికి అందజేశారు.

కరోనా విజృంభిస్తున్న తరుణంలో ప్రజలంతా జాగ్రత్తగా ఉండాలన్నారు. కొవిడ్​-19 కట్టడికి చేపట్టిన లాక్​డౌన్​లో స్వచ్ఛందంగా పాల్గొనాలని కోరారు. ఈ కార్యక్రమంలో స్థానిక ఏసీపీ రవీంద్ర కుమార్, కార్పొరేటర్​, తదితరులు పాల్గొన్నారు.

ఇదీ చూడండి: డీజీపీ నేతృత్వంలో నిత్యావసర సరకుల రవాణా