ఆర్టీసీ మహిళా ఉద్యోగుల'ఫ్యాషన్ షో'

హన్మకొండలో మహిళా దినోత్సవ వేడుకలు ఘనంగా జరిగాయి. చంద్ర గార్డెన్స్​లో ఆర్టీసీ మహిళా ఉద్యోగులు సంప్రదాయ దుస్తులు ధరించి సందడి చేశారు. వారికి ఫ్యాషన్​ షో నిర్వహించారు.

నిత్యం పని ఒత్తిడిలో ఉండే ఆర్టీసీ ఉద్యోగులు మహిళా దినోత్సవం నాడు సందడి చేశారు. వరంగల్​ జిల్లా హన్మకొండలోని చంద్ర గార్డెన్స్​లో సంప్రదాయ దుస్తులు ధరించి ఆర్టీసీ యాజమాన్యం నిర్వహించిన ఫ్యాషన్​ షోలో పాల్గొన్నారు.

కార్యక్రమానికి ముఖ్య అతిథిగా హాజరైన వరంగల్​ గ్రామీణ జిల్లా కలెక్టర్​ హరిత మహిళలతో కలిసి సందడి చేశారు. స్త్రీలు అన్ని రంగాల్లో రాణించాలని సూచించారు. మగువల కోసం ఇలాంటి కార్యక్రమాలు చేపట్టిన ఆర్టీసీ యాజమాన్యాన్ని అభినందించారు.

ఓ వైపుకుటుంబ బాధ్యతలు, మరోవైపు విధులతో విసిగిపోయే తమకు మహిళా దినోత్సవం ఆనందాన్ని ఇచ్చిందని ఆర్టీసీ మహిళా ఉద్యోగులు అన్నారు.