Errabelli spoke about Revanth Reddy and Bandi Sanjay: టీఎస్పీఎస్సీ పేపర్ లీకేజీ విషయంలో ప్రతిపక్షాలు చేస్తున్న అసత్య ప్రచారాన్ని నిరూపించకపోతే రేవంత్ రెడ్డి, బండి సంజయ్ త్వరలో జైల్కు వెళ్తారని మంత్రి ఎర్రబెల్లి అన్నారు. ముఖ్యమంత్రి కేసీఅర్, మంత్రి కేటీఆర్లపై చేసిన వాఖ్యలు నిరుపించకపోతే రాహుల్ గాంధీలా బీజేపీ, కాంగ్రెస్ అధ్యక్షులు ఇద్దరు జైల్ శిక్షకు అర్హులుగా ఆయన పరిగణించారు. హన్మకొండ జిల్లా ఐనవోలు మండల కేంద్రంలో నందనం ఎఫ్ఎస్సీఎస్ సొసైటీ ఆధ్వర్యంలో ఏర్పాటు చేసిన సూపర్ మార్కెట్ను ప్రారంభోత్సవంలో మంత్రి ఈ వాఖ్యలు చేశారు. రాష్ట్రంలో ప్రతిపక్షాలు రోజురోజుకు నీచ రాజకీయాలు చేస్తున్నాయని మంత్రి ఎర్రబెల్లి తీవ్రస్థాయిలో ధ్వజమెత్తారు. రాష్ట్ర బీజేపీ, కాంగ్రెస్ అధ్యక్షులకు అసత్య ఆరోపణలతో ముప్పు పొంచి ఉందని జోష్యం చెప్పారు.
రేవంత్రెడ్డికి సిట్ నోటీసులు: టీఎస్పీఎస్సీ పేపర్ లీకేజ్ కేసులో సిట్ దర్యాప్తు కొనసాగిస్తోంది.. ఇక ఈ పేపర్ లీకేజీపై ఆరోపణలు చేస్తోన్న వారికి సిట్ నోటీసులు జారీ చేసింది. ఇందులో భాగంగా పీసీసీ అధ్యక్షుడు రేవంత్రెడ్డికి 20వ తేదీన నోటీసులు ఇచ్చారు. దీనిపై రేవంత్రెడ్డి స్పందించి తనకు నోటీసులు అందలేదని తెలిపారు. సిట్ ఇచ్చిన నోటీసులో ఆయన ఆరోపించిన వాటిని తమకు ఇవ్వాలని కోరింది. గ్రూప్‌- 1లో కొంత మంది అభ్యర్ఖులకు 100కు పైగా ర్యాంకులు వచ్చాయని ఆయన ఆరోపించారు. ఒకే మండలంలో 100 మందికి పైగా మంచి ర్యాంకులు వచ్చాయని ఆరోపణలు చేశారు. ఈ విమర్శలు చేసినందునే రేవంత్ రెడ్డికి సిట్ నోటీసులు ఇచ్చింది. సిట్ నోటీసులు తనకు ఇంకా అందలేదని తెలిపారు. సిట్ నోటీసులకు భయపడేది లేదని చెప్పారు.
బండికి సిట్ నోటీసులు: రాష్ట్ర వ్యాప్తంగా సంచలనమవుతున్న టీఎస్పీఎస్సీ పేపర్ లీకేజ్ కేసులో బీజేపీ రాష్ట్ర అధ్యక్షుడు బండి సంజయ్ తీవ్ర ఆరోపణలు చేశారు. దీంతో సిట్ తనకి కూడా నోటీసులు జారీ చేసింది. తన దగ్గర ఉన్న సమాచారాన్ని అందించాల్సిందిగా డిమాండ్ చేసింది. దీనిపై ఆయన స్పందించారు. తనకు ఎటువంటి సిట్ నోటీసులు అందలేదని చెప్పారు. ఎవరి ఇంటికి అంటించారో తెలియదని అన్నారు. తాను ఇంటికి వెళ్లేసరికి చిరిగిపోయిన కాగితం ఉందని చెప్పారు. సిట్ నోటీసులు తనకు కాదు ఇవ్వాల్సింది.. ముఖ్యమంత్రికి, తన కుమారుడికి ఇవ్వాలని వెల్లడించారు.
ఇవీ చదవండ:
