'డిజిటల్​ బోధన, వెబ్​సైట్ల ద్వారా విద్య మరింత చేరువ'

డిజిటల్ తరగతుల్లో భాగంగా వరంగల్ అర్బన్ జిల్లాలోని 24 ప్రభుత్వ పాఠశాలలకు వెబ్ ద్వారా విద్యార్థులకు బోధన అందించే వెబ్​సైట్లను జిల్లా కలెక్టర్ రాజీవ్ ప్రారంభించారు. ఈ వెబ్​సైట్ల​లో పాఠాల వీడియోలు, పాఠ్యపుస్తకాలు అందుబాటులో ఉంచామని ఈ అవకాశాన్ని విద్యార్థులు సద్వినియోగం చేసుకోవాలని సూచించారు.

వెబ్​సైట్ల ద్వారా ప్రభుత్వ పాఠశాలలు విశ్వవ్యాప్తంగా వెలుగులోకి వచ్చాయని వరంగల్​ అర్బన్​ జిల్లా కలెక్టర్​ రాజీవ్​ పేర్కొన్నారు. జిల్లాలోని 24 ప్రభుత్వ పాఠశాలలకు వెబ్ ద్వారా విద్యార్థులకు బోధన అందించే వెబ్​సైట్లను ఆయన ప్రారంభించారు. జిల్లా విద్యాశాఖ ఆధ్వర్యంలో రూపొందించిన వెబ్​సైట్ ద్వారా డిజిటల్ తరగతుల కోసం స్వయంగా ఉపాధ్యాయులు తయారు చేసిన 75 వీడియోలు ఉన్నాయని పేర్కొన్నారు.

వెబ్​సైట్​లో కావాల్సిన పాఠ్య పుస్తకాలతోపాటు అవసరమైన సమాచారాన్ని అప్​లోడ్ చేసినట్లు చెప్పారు. అన్ని సబ్జెక్టులకు సంబంధించిన స్టేట్ సిలబస్​ను అనుసరించి 75 పాఠాలను యూట్యూబ్​లో అప్​లోడ్ చేసిన నేపథ్యంలో వరంగల్ జిల్లాకు చెందిన వారే కాకుండా ఇతర జిల్లాల విద్యార్థులు చూసుకునే వెసులుబాటు ఉందని, విద్యార్థులు ఈ అవకాశాన్ని సద్వినియోగం చేసుకోవాలని సూచించారు.

ఇదీ చూడండి: పీవీ గ్లోబల్ ఇండియా రూపశిల్పి.. : కేసీఆర్‌