కరోనా కట్టడికి రాష్ట్రవ్యాప్తంగా విధించిన లాక్డౌన్ రోజూ కూలీ చేసుకుని బతికే వారి పాలిట శాపమైంది. వీరిని ఆదుకోవడానికి పలు చోట్ల దాతలు ముందుకొస్తున్నారు. వరంగల్ గ్రామీణ జిల్లాలో పట్టణ పద్మశాలి సంఘం ఆధ్వర్యంలో నేడు 300 పేద కుటుంబాలకు నిత్యావసర సరుకులు పంపిణీ చేశారు.
ఈ కార్యక్రమానికి హాజరైన కలెక్టర్ హరిత, ఎమ్మెల్యే సుదర్శన్ రెడ్డి దాతలను అభినందించారు. వరంగల్ గ్రామీణ జిల్లాలో ఇప్పటి వరకు ఒక్క కరోనా కేసు నమోదు కాలేదని, ఇక ముందు కూడా ప్రజలు అప్రమత్తంగా ఉండాలని కలెక్టర్ సూచించారు.
ఈ కార్యక్రమంలో మున్సిపల్ ఛైర్పర్సన్ గుంటి రజని, పట్టణ పద్మశాలి సంఘం అధ్యక్షుడు రుద్ర ఓంప్రకాశ్ పాల్గొన్నారు.
