వరంగల్ గ్రామీణ జిల్లా రాయపర్తి మండలంలో ఓ వృద్ధుడు.. గత కొంతకాలంగా అనారోగ్యంతో బాధపడుతూ ఆసుపత్రిలో చూపించుకున్నాడు. ఆయనను పరీక్షించిన వైద్యులు.. కోరనా ఉందని తెలిపి హోం ఐసోలేషన్లో ఉండాలని సూచించారు. మంగళవారం ఆ వృద్ధుడు మరణించారు.
కరోనా భయంతో అయినవాళ్లు అతన్ని పట్టించుకోలేదు. ఆఖరు చూపు చూడడానికి కూడా రాకుండా అనాథలా వదిలేశారు. విషయం తెలుసుకున్న సర్పంచ్ సరసయ్య మానవతా దృక్పథంతో ఆ వృద్ధునికి అన్నీ తానయ్యాడు. గ్రామ పంచాయతీ సిబ్బంది సహకారంతో ట్రాక్టర్లో ఊరు చివరకు తీసుకెళ్లి అంతిమ సంస్కరణలు పూర్తి చేశారు. అది చూసిన స్థానికులు సర్పంచ్ను అభినందించారు.
ఇదీ చదవండిః కరోనాతో మహిళ మృతి.. అంత్యక్రియల్లో గ్రామస్థులు!
