వికారాబాద్ జిల్లా కొడంగల్ మున్సిపల్ పరిధిలోని పలు గ్రామాల్లో జిల్లా కలెక్టర్ పౌసమి బసు పర్యటించారు. ఈ సందర్భంగా పలు కాలనీల్లో చెత్తా, చెదారం చూసి అధికారులపై ఆగ్రహం వ్యక్తం చేశారు. అలాగే రోడ్డు పక్కల ఆటోలు నిలుపకుండా బస్టాండ్లో కొంత స్థలాన్ని కేటాయించాలని మున్సిపల్ కమిషనర్ను ఆదేశించారు.
పట్టణంలో నిర్మిస్తున్న గిరిజన సంక్షేమ వసతిగృహాన్ని సందర్శించి అక్కడ జరుగుతున్న పనుల గురించి గుత్తేదారును అడిగి తెలుసుకున్నారు. పనులు నత్తనడకన సాగుతుండటంతో కాంట్రాక్టర్పై ఆగ్రహం వ్యక్తం చేశారు. గడువులోగా నిర్మించకుంటే బిల్లును రద్దు చేస్తామని హెచ్చరించారు. సెప్టెంబర్ నెల చివరి నాటికి వసతిగృహం అందుబాటులోకి వచ్చేలా పనులు చేయాలని కోరారు. కార్యక్రమంలో మున్సిపల్ కమిషనర్ వినయ్ కుమార్, మున్సిపల్ ఛైర్మన్ ఈశ్వర్ రెడ్డి, అదనపు కలెక్టర్ చంద్రయ్య తదితరులు పాల్గొన్నారు.
