మరో రికార్డ్​కు అడుగు దూరంలో ఇస్రో- శ్రీహరికోట వేదికగా 100వ ప్రయోగానికి కౌంట్​డౌన్ స్టార్ట్

శ్రీహరికోట నుంచి 100వ ప్రయోగానికి సర్వం సిద్ధం!- ఈ మిషన్ ఎందుకో తెలుసా?

ISROs 100th Mission: ఎన్నో మైలురాళ్లను సాధించిన భారత అంతరిక్ష పరిశోధన సంస్థ (ఇస్రో) ఇప్పుడు మరో చారిత్రక ఘనతను సాధించేందుకు అడుగు దూరంలో ఉంది. శ్రీహరికోట వేదికగా ఇస్రో ప్రతిష్టాత్మకంగా చేపట్టిన 100వ మిషన్​లో భాగంగా GSLV (జియోసింక్రోనస్ శాటిలైట్ లాంచ్ వెహికల్)-F15 పేరుతో రాకెట్​ను ప్రయోగించేందుకు రెడీగా ఉంది. ఈ రాకెట్ అంతరిక్షంలోకి దూసుకుపోవడానికి కొన్ని గంటలు మాత్రమే మిగిలి ఉన్నాయి. ఈ నేపథ్యంలో ఇస్రో మంగళవారం ఈ మిషన్ కౌంట్​డౌన్ స్టార్ట్ చేసింది.

ఈ మిషన్​లో భాగంగా ఇస్రో శాస్త్రవేత్తలు GSLV రాకెట్​ ద్వారా నావిగేషన్ ఉపగ్రహాన్ని ప్రయోగించనున్నారు. ఈ రాకెట్ జనవరి 29, 2025న ఉదయం 6:23 గంటలకు శ్రీహరికోటలోని సతీష్ ధావన్ అంతరిక్ష కేంద్రం నుంచి నింగిలోకి దూసుకెళ్లనుంది. ఇస్రో కొత్త ఛైర్మన్‌గా వి. నారాయణన్ నియమితులైన తర్వాత జరుగుతున్న తొలి ప్రయోగం కూడా ఇదే.

🌟 T-1 Day to launch! Witness the incredible journey of GSLV-F15/NVS-02 live!

📺 YouTube Link: https://t.co/SXo6F2PAHU (from 05:50 hours)
🗓️ Date: 29th January 2025 | Time: 6:23 Hours (IST)

Join us as we push the boundaries of space applications! 🚀

More information at:… pic.twitter.com/jnSzJ27pFo

— ISRO (@isro) January 28, 2025

జియోసింక్రోనస్ శాటిలైట్ లాంచ్ వెహికల్ (GSLV) తన 17వ ప్రయోగంలో స్వదేశీ క్రయోజెనిక్ అప్పర్ స్టేజ్ NVS-2 నావిగేషన్ ఉపగ్రహాన్ని నింగిలోకి మోసుకెళ్లనుంది. 2,250 కిలోల ఈ NVS-02 ఉపగ్రహాన్ని UR శాటిలైట్ సెంటర్ అభివృద్ధి చేసింది. ఇది L1, L5, S బ్యాండ్లలో నావిగేషన్ పేలోడ్​ను కలిగి ఉంది. అంతేకాక ఇది NVS-01 మాదిరిగా అదనపు C-బ్యాండ్​లో కూడా పేలోడ్‌ను కలిగి ఉంది.

ఈ ప్రయోగం ఎందుకంటే?: శ్రీహరికోట వేదికగా ఇస్రో చేపట్టిన ఈ 100వ మిషన్ మన దేశ నావిగేషనల్ సామర్థ్యాలను పెంచడంలో సహాయపడుతుంది. ఈ శాటిలైట్ భూమి, వైమానిక, సముద్ర.. నావిగేషన్, మొబైల్ డివైజెస్​లో లొకేషన్-బేస్డ్ సర్వీసులు, ఇంటర్నెట్-ఆఫ్-థింగ్స్ (IoT) బేస్డ్ అప్లికేషన్స్, ఎమర్జెన్సీ అండ్ టైమ్ సర్వీసులను అందించేందుకు ఉపయోగపడుతుంది.

ప్రయోగ ప్రత్యక్ష ప్రసారం: ఇస్రో చేపట్టిన ఈ ప్రతిష్టాత్మక ప్రయోగాన్ని మనం మన ఫోన్​లోనే నేరుగా చూడొచ్చు. ఈ రాకెట్ ప్రయోగాన్ని ఇస్రో తన అధికారిక యూట్యూబ్ ఛానెల్‌లో ప్రత్యక్ష ప్రసారం చేస్తుంది. ఈ ప్రయోగం లైవ్ ఉదయం 5:50 గంటలకు ప్రారంభమవుతుంది. ఈ నేపథ్యంలో శ్రీహరికోట నుంచి ఇస్రో చేపట్టిన 100వ ప్రయోగ కార్యక్రమానికి సంబంధించిన ప్రత్యక్ష ప్రసారం చూసేందుకు ఇక్కడ క్లిక్ చేయండి.