సూర్యాపేట జిల్లా నల్లబండగూడెం గ్రామ శివారులో క్రయ, విక్రయాలు చేస్తున్న నలుగురు యువకులను కోదాడ రూరల్ పోలీసులు పట్టుకున్నారు. వైరాకు చెందిన ఇద్దరు వ్యక్తులు సురేష్, రోషన్లు... ఆంధ్రప్రదేశ్లోని తూర్పుగోదావరి జిల్లా గొడ్లగూడెం సంతలో రెండు కిలోల గంజాయి కోనుగోలు చేశారు. దానిని నల్లబండగూడెంకు చెందిన కమల్, వంశీకృష్ణలకు అమ్ముతుండగా ఆ నలుగురిని అరెస్ట్ చేసి పోలీస్ స్టేషన్కు తరలించారు. తక్కువ సమయంలో ఎక్కువ డబ్బులు సంపాదించలనే ఉదేశ్యంతో... కిలో గంజాయి రూ. 2000 చొప్పున కొనుగోలు చేసి రూ.6000 అమ్ముతునట్లు నిందితులు పోలీసుల విచారణలో తెలిపారు. 3 చరవాణీలు, ఒక ద్విచక్రవాహనాన్ని స్వాధీనం చేసుకున్నట్లు కోదాడ రూరల్ సీఐ శివరామిరెడ్డి పేర్కొన్నారు. స్వాధీనం చేసుకున్న గంజాయిని కోదాడ తహశీల్దార్ మహమ్మద్ అలీతో పంచనామా నిర్వహించి... కోర్టులో హాజరుపరిచినట్లు వెల్లడించారు.
ఇదీ చూడండి : మిడతల దాడి మళ్లీ మొదలు- జనం గుండెల్లో గుబులు
