తెలంగాణ ప్రభుత్వం అసెంబ్లీలో ప్రవేశపెట్టిన ప్రైవేటు యూనివర్సిటీల బిల్లును వ్యతిరేకిస్తూ సూర్యాపేట జిల్లా తుంగతుర్తి నియోజకవర్గ మహాజన విద్యార్థి పాదయాత్రను మోత్కూరు మండలం ముసిపట్ల నుంచి ప్రారంభించారు. ఈ కార్యక్రమాన్ని మహాజన స్టూడెంట్ యూనియన్, మాదిగ స్టూడెంట్ ఫెడరేషన్ విద్యార్థి సంఘాల నాయకులు నిర్వహిస్తున్నారు.
మందకృష్ణ మాదిగ పిలుపు మేరకు ఎమ్మార్పీఎస్ ఉమ్మడి నల్గొండ జిల్లా ఇంఛార్జ్ కందుకూరి సోమన్న, ఎంఎస్ఎఫ్ రాష్ట్ర ఉపాధ్యక్షుడు బొజ్జ సైదులు మాదిగ జెండా ఊపి పాదయాత్రను ప్రారంభించారు. ఈ కార్యక్రమంలో మహాజన స్టూడెంట్ యూనియన్ నియోజకవర్గ ఇంఛార్జ్ భూషిపక గణేశ్, మాదిగ స్టూడెంట్ ఫెడరేషన్ నియోజకవర్గ ఇంచార్జ్ తడకమళ్ల రవికుమార్, ఎంఎస్ఎఫ్ ఓయూ జనరల్ సెక్రెటరీ చిప్పలపల్లి సోమశేఖర్ తదితరులు పాల్గొన్నారు.
ఇదీ చదవండి: అమల్లోకొచ్చిన ప్రైవేటు విశ్వవిద్యాలయాల చట్టం
