అనాజిపురం చెరువులో డెవిల్ ఫిష్లు
సూర్యాపేట జిల్లా పెన్పహాడ్ మండలం అనాజిపురం చెరువులో రెండు డెవిల్ ఫిష్లు మత్స్యకారుల వలకు చిక్కాయి. ఈ ప్రాంతంలో అరుదుగా కనిపించే డెవిల్ ఫిష్లు ఇటీవల కాలంలో పలు చెరువుల్లో తరచుగా వలలకు చిక్కుతున్నాయి.
ఎస్సారెస్పీ నుంచి వచ్చే గోదావరి జలాల్లో ఈ చేపలు ఎక్కువగా వస్తున్నట్లు మత్స్యకారులు గుర్తించారు. కానీ.... మూసీ పరివాహక ప్రాంతమైన అనాజిపురం చెరువులోనూ డెవిల్ ఫిష్ దొరకడం మత్స్యకారులకు ఆందోళన కలిగిస్తోంది.
డెవిల్ ఫిష్లు మిగిలిన చిన్న చేపలను ఎదగనివ్వకుండా తింటాయి. రాష్ట్ర ప్రభుత్వ ప్రోత్సాహంతో ఆయా చెరువుల్లో చేపల పెంపకం కోసం వదిలిన చేప పిల్లల మనుగడ ప్రమాదంలో పడిందని మత్స్యకారులు ఆందోళనకు గురవుతున్నారు.
- ఇదీ చూడండి : 'మీ జీవితం కాంగ్రెస్ పెట్టిన భిక్ష.. నోరు జాగ్రత్త'
