అర్హులైన వారికే సంక్షేమ పథకాలుః రామలింగారెడ్డి

సిద్దిపేట జిల్లా దుబ్బాక మండలంలో పట్టాదారు పాసుపుస్తకాలు, కల్యాణలక్ష్మీ, షాదీముబారక్​ లబ్ధిదారులకు ఎమ్మెల్యే రామలింగారెడ్డి చెక్కులు పంపిణీ చేశారు.

సిద్దిపేట జిల్లా దుబ్బాక మండలకేంద్రంలోని స్థానిక ఫంక్షన్​హాల్​లో కల్యాణలక్ష్మీ, షాదీముబారక్ చెక్కులు, పట్టాదారు పాసుపుస్తకాల పంపిణీ కార్యక్రమాన్ని ఏర్పాటు చేశారు. ఎమ్మెల్యే రామలింగారెడ్డి హాజరై 792 మందికి పట్టాదారు పాసుపుస్తకాలు, 15 మందికి కల్యాణలక్ష్మీ, షాదీముబారక్​ చెక్కులను లబ్ధిదారులకు అందజేశారు. తెలంగాణ ప్రభుత్వం ప్రతిష్టాత్మకంగా చేపట్టిన సంక్షేమ పథకాలు నేరుగా అర్హులైన వారికే అందిస్తున్నట్లు ఎమ్మెల్యే అన్నారు. కార్యక్రమంలో దుబ్బాక జడ్పీటీసీ రవీందర్​రెడ్డి, ఎంపీపీ పుష్పలత, ప్రజాప్రతినిధులు పాల్గొన్నారు.

ఇదీ చదవండిః సమస్యలు పరిష్కరించాలంటూ చీఫ్​ విప్​కు వినతిపత్రం