సిద్దిపేట జిల్లాలో దూల్మిట్టను కొత్త మండలంగా ఏర్పాటు చేస్తూ ప్రభుత్వం ప్రకటించింది. గతంలో ప్రాథమిక నోటిఫికేషన్ జారీ చేసిన రాష్ట్ర ప్రభుత్వం... తాజాగా తుది ప్రకటన విడుదలచేసింది. హుస్నాబాద్ డివిజన్లోని ఎనిమిది గ్రామాలతో కొత్త మండలం ఏర్పాటైంది.
దూల్మిట్ట, లింగాపూర్, జాలపల్లి, బైరాన్పల్లి, బెక్కత్, కొండాపూర్, కూటిగల్ గ్రామాలు కొత్త మండలంలో ఉంటాయి. అటు మద్దూరు మండలంలోని కమలాయపల్లి, అర్జునపట్ల గ్రామాలను చేర్యాల మండలానికి బదలాయించారు. ఈ మేరకు తుది నోటిఫికేషన్ జారీ చేస్తూ రెవెన్యూ శాఖ ఉత్తర్వులు జారీ చేసింది.
