సిద్దిపేట జిల్లా దుబ్బాక మున్సిపాలిటీలో ప్లాస్టిక్ను నిషేధించాలని ఈనాడు-ఈటీవీ భారత్ ఆధ్వర్యంలో అవగాహన ర్యాలీ నిర్వహించారు. గాంధీజీ, లాల్ బహుదూర్ శాస్త్రీ జయంతిని పురస్కరించుకొని ఏర్పాటు చేసిన సమావేశానికి మున్సిపల్ కమిషనర్ నరసయ్య ముఖ్యఅతిథిగా హాజరయ్యారు. గాంధీ, శాస్త్రీ చిత్రపటాలకు పూలమాల వేసి నివాళులు అర్పించారు. ప్లాస్టిక్ నిషేధానికి ప్రతి ఒక్కరూ కట్టుబడి ఉండాలని సూచించారు. దుకాణాల్లో కూడా తనిఖీలు చేస్తామని తెలపారు. మొదటిసారి, రెండోసారి జరిమానాతో సరిపెట్టి... మూడోసారి పునరావృతమైతే కేసులు నమోదు చేస్తామని హెచ్చరించారు. ప్లాస్టిక్ నిర్మూలనకు కృషి చేస్తామని ప్రతిజ్ఞ చేశారు. నిషేధంపై అంగన్వాడీ కార్యకర్తలకు అవగాహన కల్పించారు.
ప్లాస్టిక్ వాడితే కేసులు నమోదు చేస్తాం: కమిషనర్
ఇదీ చూడండి: 'వైష్ణవ జన తో' గీతంతో మహాత్ముడికి ఈటీవీ భారత్ ఘన నివాళి
