నిబంధనలు ఉల్లంఘించిన వారి వాహనాలు సీజ్​

లాక్​డౌన్​ నిబంధనలు ఉల్లంఘించిన వారిపట్ల పోలీసులు కఠినంగా వ్యవహరిస్తున్నారు. సంగారెడ్డి జిల్లా పటాన్​చెరు శివారులోని కూడలి వద్ద పోలీసులు తనిఖీలు నిర్వహిస్తున్నారు. అనవసరంగా రోడ్లపైకి వచ్చిన వారి వాహనాలను సీజ్​ చేస్తున్నారు.

సంగారెడ్డి జిల్లా పటాన్​చెరు శివారు బాహ్యవలయ రహదారి సమీపంలోని పోలీసులు తనిఖీలు నిర్వహిస్తున్నారు. లాక్​డౌన్​ నిబంధనలు ఉల్లంఘించి రోడ్లపైకి వస్తున్న వారి వాహనాలను సీజ్​ చేస్తున్నారు. మొదటి రోజు రోడ్లపైకి వస్తే అవగాహన కల్పించామని.. అయినప్పటికి కొందరు అనవసరంగా వస్తున్నారని పోలీసులు తెలిపారు.

కొవిడ్​ కట్టడికోసం ప్రతి ఒక్కరు సహకరించాలని అనవసరంగా రోడ్లపైకి రావొద్దని సూచించారు. నిబంధనలు ఉల్లంఘించిన పలువురికి జరిమానా విధించగా... మరికొందరి వాహనాలు సీజ్​ చేశారు.

ఇదీ చూడండి: నిబంధనలు ఉల్లంఘించిన వారికి కౌన్సిలింగ్, జరిమానా