ఆర్టీసీ సమ్మెకు మద్దతుగా కార్మిక సంఘాల బైక్ ర్యాలీ

ఆర్టీసీని ప్రభుత్వంలో విలీనం చేసే వరకు తమ సమ్మె ఆగదని సంగారెడ్డి జిల్లా ఆర్టీసీ కార్మికులు స్పష్టం చేశారు. ఈ సందర్భంగా సమ్మె 14వ రోజులో భాగంగా కార్మిక సంఘాల నాయకులు సంగారెడ్డి కొత్త బస్టాండ్ నుంచి పాత బస్టాండ్ వరకు బైక్ ర్యాలీ నిర్వహించారు.

ఆర్టీసీ కార్మికుల సమ్మెకు మద్దతుగా కార్మిక సంఘాల నాయకులు సంగారెడ్డి జిల్లా కొత్త బస్టాండ్ నుంచి పాత బస్టాండ్ వరకు బైక్ ర్యాలీ చేపట్టారు. ఈ ర్యాలీలో విద్యార్థి, ఉపాధ్యాయ, కార్మిక సంఘాలు పెద్ద ఎత్తున పాల్గొన్నాయి. యాజమాన్యానికి, సీఎం కేసీఆర్​కి వ్యతిరేకంగా నినాదాలు చేశారు. ఇప్పటికైనా ప్రభుత్వ వైఖరిలో మార్పు రావాలని డిమాండ్​ చేశారు. లేనిపక్షంలో ఉద్యమాన్ని మరింత ఉద్ధృతం చేస్తామని హెచ్చరించారు.

ఇదీ చూడండి : మద్యం ఎర వేసి.. నిలువు దోపిడీ చేసే గ్యాంగ్