మొక్కజొన్నల దిగుమతిపై కేంద్రం తీసుకున్న నిర్ణయం వల్ల దేశంలోని రైతులు తీవ్రంగా నష్టపోతున్నారని తెలంగాణ ఆర్థికశాఖ మంత్రి హరీశ్ రావు ఆరోపించారు. సంగారెడ్డి జిల్లా 'పంటల సాగు-కొనుగోళ్ల కార్యచరణ సమవేశానికి' ముఖ్యఅతిథిగా హాజరై అవగాహన కల్పించారు. దేశంలో 2.4కోట్ల మెట్రిక్ టన్నుల మొక్కజొన్న అవసరం ఉండగా... ఇప్పటికే గోదాముల్లో 3.52కోట్ల మెట్రిక్ టన్నులు అందుబాటులో ఉన్నాయన్నారు. దీనికి తోడు దేశ వ్యాప్తంగా 2.04కోట్ల ఎకరాల్లో తాజాగా సాగు చేశారని... ఈ దిగుబడి అక్టోబర్లో వస్తుందన్నారు. డిమాండ్ లేకపోవడం వల్ల గతేడాది బిహార్, ఛత్తీస్గఢ్ ప్రభుత్వాలు కొనుగోలు చేయలేదన్నారు.
విదేశాల నుంచి దిగుమతిపై ఉన్న నిషేధాన్ని కేంద్రం ఎత్తివేసి, 50శాతం ఉన్న సుంకాన్ని 15 శాతానికి తగ్గించినందున... రైతులపై ప్రతికూల ప్రభావం చూపనుందని ఆవేదన వ్యక్తం చేశారు. తెలంగాణ ప్రభుత్వం ముందు చూపుతో వానాకాలంలో ఈ పంట సాగును నియంత్రించడం వల్ల ఇబ్బందులు తప్పాయని పేర్కొన్నారు. యాసంగిలోనూ రైతులు మొక్కజొన్న సాగు చేయకుండా రైతులకు అవగాహన కల్పించాలని వ్యవసాయ అధికారులకు సూచించారు.
ఇదీ చూడండి: పెళ్లితో ఒక్కటవ్వాలనుకున్న ప్రేమికులు.. కానీ ఇంతలోనే..
