సంగారెడ్డిలోని కలెక్టరేట్ ఆవరణలో జిల్లా సహకార మార్కెటింగ్ సదస్సును ఏర్పాటు చేశారు. ఈ కార్యక్రమానికి ముఖ్య అతిథిగా సంగారెడ్డి కలెక్టర్ హనుమంతరావు పాల్గొన్నారు.
రైతులకు నాణ్యమైన ఎరువులు, విత్తనాలను అందించి వాటి కొరత లేకుండా చూడాలని కలెక్టర్ అన్నారు. ప్రభుత్వం చెప్పిన పంటను వేసేలా రైతులను ప్రోత్సహించాలన్నారు. ప్రభుత్వ అనుబంధ సంస్థలకే అవకాశాలు ఇవ్వాలని పేర్కొన్నారు. సహకార సంఘంలో రైతులకు ఎలాంటి ఇబ్బందులు తలెత్తిన వారికి కారణమైన వారిపై చర్యలు తప్పవని హెచ్చరించారు. ఈ కరోనా వ్యాప్తిలో భాగంగా సహకార సంఘాల వద్ద ప్రతి ఒక్కరు జాగ్రత్తలు పాటించేలా సదుపాయాలు కల్పించాలని వెల్లడించారు. ఈ కార్యక్రమంలో డీసీసీబీ ఛైర్మన్, సహకార సంఘాల ఛైర్మన్లు, సీఈవోలు పాల్గొన్నారు.
ఇదీ చూడండి: మోదీ ప్యాకేజీతో పూర్తిగా గట్టెక్కడం కష్టమే: మూడీస్
