భాగ్యనగరంలో జంట జలాశయాలకు తగ్గిన వరద ఉద్ధృతి

వర్షాలు తగ్గుముఖం పట్టడంతో హైదరాబాద్​లోని జంట జలశయాలకు వరద ఉద్ధృతి తగ్గింది. వరద నీరు తగ్గడం వల్ల ఉస్మాన్​సాగర్ మొత్తం గేట్లను, హిమాయత్ సాగర్ రెండు గేట్లను జలమండలి అధికారులు మూసివేశారు.

హైదరాబాద్​లో జంట జలాశయాలకు వరద ఉద్ధృతి తగ్గుముఖం పట్టింది. ఉస్మాన్ సాగర్ జలాశయంలోకి 400 క్యూసెక్కుల ఇన్​ఫ్లో వస్తోంది. ఉస్మాన్ సాగర్ పూర్తి స్థాయి నీటి మట్టం 1,790 అడుగులు కాగా... ప్రస్తుతం 1785.80 అడుగుల నీటిమట్టం ఉంది.

హిమాయత్ సాగర్ జలాశయంలోకి 1,200 క్యూసెక్కుల ఇన్​ఫ్లో వస్తోంది. ప్రాజెక్టు 5 గేట్ల ద్వారా 1715 క్యూసెక్కుల నీటిని మూసీలోకి వదులుతున్నారు. హిమాయత్​సాగర్ పూర్తి స్థాయి నీటి మట్టం 1763.50 అడుగులు కాగా.. ప్రస్తుతం 1762.25 అడుగుల నీటిమట్టం ఉంది.

వరద నీరు తగ్గుతుండడం వల్ల ఉస్మాన్​సాగర్​ మొత్తం గేట్లను జలమండలి అధికారులు మూసివేశారు. హిమాయత్​సాగర్​ రెండుగేట్లు మూసివేశారు.

ఇదీ చూడండి: నిండుకుండలా హిమాయత్‌సాగర్ జలాశయం.. గేట్లు ఎత్తే అవకాశం!