కాంగ్రెస్ ఆధ్వర్యంలో వలస కూలీలకు సరకుల పంపిణీ

రంగారెడ్డి జిల్లా మహేశ్వరం నియోజకవర్గంలోని ఆర్​కె పురంలో వలస కూలీలకు నిత్యావసర సరకులను పంపిణీ చేశారు. అత్యవసరమైతే తప్ప ప్రజలెవరూ బయటకు రాకూడదని స్థానిక కాంగ్రెస్ నేతలు కోరారు.

రంగారెడ్డి జిల్లా మహేశ్వరం నియోజకవర్గంలోని ఆర్​కె పురం డివిజన్​కు చెందిన 50 వలస కుటుంబాలకు నిత్యావసర సరకులు పంపిణీ చేశారు. ప్యాకెట్లలో బియ్యం, గోధుమ పిండి, వంట నూనె, కందిపప్పు, కారం ప్యాక్ చేసి అందించారు. సీనియర్ కాంగ్రెస్ నేత దేప భాస్కర్ రెడ్డి సహకారంతో ఈ కార్యక్రమం నిర్వహించారు. కరోనా నియంత్రణకు స్వీయ నియంత్రణ పాటించాలని కాంగ్రెస్ డివిజన్ అధ్యక్షుడు గణేష్ సూచించారు. కార్యక్రమంలో కాంగ్రెస్ నేతలు, కార్యకర్తలు తదితరులు పాల్గొన్నారు.

ఇవీ చూడండి : అగ్రరాజ్యాన్ని వణికిస్తోన్న కరోనా.. 33వేలు దాటిన మృతులు