16th Freshers Day at Avanti Engineering College: రంగారెడ్డి జిల్లా అబ్దుల్లాపూర్ మెట్ మండలం గుంతపల్లిలోని అవంతి ఇంజినీరింగ్ కళాశాలలో 16వ ఫ్రెషర్స్డే వేడుకలు ఘనంగా నిర్వహించారు. విద్యార్థులు ఆటపాటల్లో పాల్గొని ఉత్సాహంగా అలరించారు. గత 30 సంవత్సరాల నుంచి హైదరాబాద్ జంట నగరాల్లో దిగ్విజయంగా విద్యాబోధన అందిస్తూ ముందుకు వెళుతుందని అవంతి విద్యాసంస్థల అధినేత అవంతి శ్రీనివాస్ తెలిపారు. ఈ సందర్భంగా ఆయన మాట్లాడుతూ ఎంతోమంది విద్యార్థులను దేశ, విదేశాల్లో ఉద్యోగాల్లో స్థిరపడే విధంగా అవంతి కళాశాల తీర్చిదిద్దింది అని అన్నారు.
నిరంతరం నాణ్యమైన విద్యాబోధన అందిస్తూ ఉన్నతమైన విద్యార్థులుగా తీర్చిదిద్దుతున్న అధ్యాపక బృందానికి ధన్యవాదాలు తెలిపారు. ఇరు తెలుగు రాష్ట్రాల్లో ఉన్న 16 అవంతి ఇంజినీరింగ్ కళాశాలలను యూనివర్సిటీలుగా తీర్చిదిద్దడమే లక్ష్యమని తెలిపారు. ఈ కార్యక్రమంలో అవంతి ఇంజినీరింగ్ కాలేజ్ ప్రిన్సిపల్స్ రామచంద్రా రెడ్డి, శివకుమార్, డైరెక్టర్ జయప్రద పాల్గొన్నారు.
ఇవీ చదవండి:
