అధిక బరువుకు ఈ రెసిపీ సూపర్ ఆప్షన్ - ఇలా ప్రిపేర్ చేసుకుంటే కేక!

- బరువు తగ్గించే బ్రకోలీ పనీర్​ రెసిపీ - ఆ టైమ్​లో తింటే బెస్ట్​ రిజల్ట్!

Broccoli Paneer Recipe : నేటి ఆధునిక కాలంలో చాలా మంది అధిక బరువుతో బాధపడుతున్నారు. మారుతున్న జీవనశైలి, ఆహారంలో మార్పులు, శారీరక శ్రమకు దూరంగా ఉండడం, ఎక్కువ సేపు కూర్చుని పని చేయడం వంటివి ఈ సమస్యకి ప్రధాన కారణాలను నిపుణులు చెబుతున్నారు. అయితే, వెయిట్​లాస్​ కోసం ప్రయత్నించే వారు ఉదయం, సాయంత్రం వ్యాయామంతో పాటు ఆహారంలో మార్పులు చేసుకోవాలని సూచిస్తున్నారు. అప్పుడే శరీరంలో కొవ్వులు కరుగుతాయని అంటున్నారు.

అయితే, బరువు తగ్గాలనుకునే వారు మార్నింగ్​ తీసుకునే బ్రేక్​ఫాస్ట్​లో అన్ని రకాల పోషకాలు అందేలా చూసుకోవాలి. ఎందుకంటే.. బ్రేక్​ఫాస్ట్​లో సరిగ్గా తినకపోతే లంచ్​లో అధికంగా తినే అవకాశం ఉంటుంది. దీనివల్ల ఎంత వ్యాయామం చేసినా బరువు తగ్గలేరు. అయితే, మీ కోసమే సూపర్​ టేస్టీ అండ్​ హెల్దీ బ్రేక్​ఫాస్ట్​ని పరిచయం చేయబోతున్నాం. అదే బ్రకోలీ పనీర్​ రెసిపీ. ఈ స్టోరీలో చెప్పిన విధంగా బ్రకోలీ పనీర్​ రెసిపీ చేస్తే రుచి చాలా బాగుంటుంది. దీనిని రోజూ ఒక పూట తినడం వల్ల బరువు తగ్గే అవకాశం ఉంటుందట. కాబట్టి, మీరు ఓసారి ఇలా ట్రై చేయండి.

కావాల్సిన పదార్థాలు :

• బ్రకోలీ ముక్కలు - ఒక కప్పు
• పనీర్ ముక్కలు - అరకప్పు
• బటర్​ సరిపడా
• నువ్వులు - ఒక టేబుల్​స్పూను
• వెల్లుల్లి తరుగు - ఒక స్పూను
• ఉప్పు - రుచికి సరిపడా
• మిరియాల పొడి - అర టేబుల్​స్పూను
• ఉల్లిపాయ - ఒకటి
• అల్లం తరుగు - ఒక స్పూన్

తయారీ విధానం:

• ముందుగా స్టౌపై ఒక గిన్నె పెట్టుకుని నీళ్లను పోయండి. ఇందులో బ్రకోలీ ముక్కలు, కొద్దిగా ఉప్పు వేసి కలపండి. ఆపై మూతపెట్టి 5 నిమిషాలు ఉడికించుకోండి. తర్వాత బ్రకోలీ ముక్కలను గరిటెతో ఒక ప్లేట్లోకి తీసుకోండి.
• ఇప్పుడు స్టౌ మీద పాన్ పెట్టుకుని కాస్త బటర్​ వేసి కరిగించండి. ఆపై పనీర్​ ముక్కలు వేసి స్టౌ మీడియం ఫ్లేమ్​లో అడ్జస్ట్​ చేసుకుని ఫ్రై చేయండి.
• తర్వాత పనీర్​ ముక్కలను ఒక ప్లేట్లోకి తీసుకోండి.
• ఇప్పుడు అదే పాన్​లో కాస్త బటర్​ వేసి కరిగించండి. తర్వాత ఉల్లిపాయ ముక్కలు, వెల్లుల్లి తరుగు, అల్లం తురుము వేసి ఫ్రై చేయండి.
• ఉల్లిపాయలు గోల్డెన్​ కలర్లో ఫ్రై అయిన తర్వాత ఉడికించుకున్న బ్రకోలీ ముక్కలు, పనీర్​ ముక్కలు వేసి కలపండి. అలాగే నువ్వులు, మిరియాల పొడి, ఉప్పు వేసి మిక్స్​ చేయండి.
• అంతే.. ఇలా చేస్తే బరువు తగ్గించే బ్రకోలీ బ్రేక్​ఫాస్ట్​ రెడీ. నచ్చితే మీరు కూడా ఓ సారి ఈ విధంగా ఇంట్లో ట్రై చేయండి.

ఇవి కూడా చదవండి :