రామగుండం సింగరేణిలో సమ్మె విజయవంతం

బొగ్గు గనుల్లో నూరు శాతం విదేశీ పెట్టుబడులను నిరసిస్తూ చేస్తున్న ఒకరోజు సమ్మెను రామగుండం సింగరేణిలో కార్మికులు విజయవంతం చేశారు.

పెద్దపెల్లి జిల్లా రామగుండం రీజియన్​లోని ఆర్​జి 1, 2, 3 ఏరియాల్లోని 7 బొగ్గు గనులు, నాలుగు ఉపరితల గనుల్లోని కార్మికులు సమ్మెలో స్వచ్ఛందంగా పాల్గొన్నారు. అత్యవసర విభాగంలో పనిచేసే కార్మికులు తప్పా..మరెవరు విధులకు హాజరుకాలేదు. అందరూ సమ్మెలో పాల్గొనడం వల్ల బొగ్గు గనులన్నీ బోసిపోయాయి. పోలీసులు ముందుగానే బందోబస్తు ఏర్పాటు చేశారు. విదేశీ పెట్టుబడులను వ్యతిరేకిస్తూ కార్మిక సంఘాల పిలుపుతో సమ్మెలో పాల్గొన్న కార్మికులకు ఆయా సంఘాల నాయకులు కృతజ్ఞతలు తెలిపారు. అంతేకాకుండా విదేశీ ప్రత్యక్ష పెట్టుబడులను ఉపసంహరించుకోవాలని... లేనియెడల నిరవధిక సమ్మెకు కార్మికులు సిద్ధంగా ఉన్నారని ప్రభుత్వాన్ని హెచ్చరించారు.