రెంజల్​ మండలంలో ముగ్గురు చిన్నారులు అదృశ్యం

నిజామాబాద్ జిల్లా రెంజల్ మండలం పేపర్​మిల్​లో ముగ్గురు పిల్లలు కనిపించకుండా పోయారు. పరిసర ప్రాంతాల్లో గాలించినా కనిపించకపోవడం వల్ల కుటుంబ సభ్యులు పోలీసులకు ఫిర్యాదు చేశారు.

ముగ్గురు పిల్లలు కనిపించకుండా పోయిన ఘటన నిజామాబాద్​ జిల్లా రెంజల్​ మండలం పేపర్​మిల్​లో జరిగింది. గ్రామానికి చెందిన ముగ్గురు చిన్నారులు దీపక్ (10), సిద్ధార్థ్(8), హుజుర్(8) ఇవాళ మధ్యాహ్నం మూడు గంటల నుంచి కనిపించడం లేదు.

వారిలో దీపక్​, సిద్ధార్థ్​లు అన్నదమ్మలు. పిల్లల ఆచూకీ కోసం కుటుంబ సభ్యులు గాలించారు. ఎంత వెతికినా ఆచూకీ లభ్యం కాకపోవడం వల్ల పోలీసులకు సమాచారం అందించారు.

ఇదీ చూడండి: ఈతకు వెళ్లి ఇద్దరు యువకుల మృతి