పదేళ్ల తర్వాత గల్ఫ్ బాధితుడికి విముక్తి...

పొట్టకూటి కోసం పదేళ్ల క్రితం విదేశానికి వెళ్లి నానా తంటాలు పడ్డ ఓ వ్యక్తి క్షేమంగా ఇంటికి చేరుకున్నాడు. విదేశంలో ఓ రోడ్డు ప్రమాదంలో గాయపడి తీవ్ర అనారోగ్యం పాలైన అతన్ని విదేశాంగ శాఖ అధికారులతో సంప్రదింపులు చేసి ఎట్టకేలకు స్వదేశానికి రప్పించారు తెలంగాణ వెల్పేర్​ అధ్యక్షులు.

పొట్టకూటికోసం విదేశాలకు వెళ్లి తీవ్ర ఇబ్బందులు ఎదుర్కొన్న ఓ వ్యక్తి ఎట్టకేలకు రాష్ట్రానికి చేరుకున్నాడు. నిజామాబాద్ జిల్లా భీంగల్ మండలం చేంగల్​కు చెందిన దుమాల అశోక్ పదేళ్ల కిందట మలేషియాకు వెళ్లాడు. అప్పు చేసి ఏజెంట్ ద్వారా మలేషియాకి వెళ్లిన అశోక్​కు... సరైన పని దొరక్క నానా అవస్థలు పడ్డాడు. ఒక్క రూపాయి కూడా ఇంటికి పంపలేదు. పైగా రోడ్డు ప్రమాదంలో గాయపడి తీవ్ర అనారోగ్యం పాలయ్యాడు. వ్యాధిగ్రస్తుడై తీవ్ర అవస్థలు పడుతున్న అశోక్​ను రాష్ట్రానికి రప్పించడానికి కుటుంబసభ్యులు తెలంగాణ వెల్ఫేర్​ అధ్యక్షుడు బసంత్​రెడ్డిని కలిశారు. దిల్లీ వెళ్లి విదేశాంగ శాఖ అధికారులతో సంప్రదింపులు జరిపగా... చివరికి అశోక్​ దేశానికి చేరుకున్నాడు. అశోక్​ను క్షేమంగా వచ్చేలా కృషి చేసినందుకు బసంత్​రెడ్డికి జీవితాంతం రుణపడి ఉంటామని కుటుంబసభ్యులు తెలిపారు.

ఇదీ చూడండి : ఆటోలో వెళ్తుంటే హెల్మెట్‌ లేదట...