దివ్యాంగులకు టీ షర్ట్​లు, సబ్బులు పంపిణీ చేసిన జడ్పీ ఛైర్మన్​

స్వచ్ఛంద సంస్థలు ఎంతో మంది పేద, దివ్యాంగులు, అనాథలకు సాయం చేస్తున్నాయని నిజామాబాద్​ జిల్లా జడ్పీ ఛైర్మన్​ దదన్నగారి విఠల్​ రావు అన్నారు. నిజామాబాద్​ శివారు స్నేహ సొసైటీలో దివ్యాంగులకు యూ వీ కెన్​ స్వచ్ఛంద సంస్థ ఆధ్వర్యంలో టీ షర్ట్​లు, సబ్బులు, మాస్కులు పంపిణీ చేశారు.

నిజామాబాద్ శివారు స్నేహ సొసైటీలోని దివ్యాంగులకు యూ వీ కెన్​ స్వచ్ఛంద సంస్థ ఆధ్వర్యంలో జిల్లా జడ్పీ ఛైర్మన్​ దదన్నగారి విఠల్​ రావు టీ షర్ట్​లు, సబ్బులు, మాస్కులు పంపిణీ చేశారు. స్వచ్ఛంద సంస్థలు ఎంతో మంది పేద, దివ్యాంగులు, అనాథలకు సాయం చేస్తున్నాయని గుర్తు చేశారు.

యూ వీ కెన్ సంస్థ ఎన్నో కార్యక్రమాలు చేపట్టాలని కోరుకున్నారు. ప్రభుత్వం తరఫున కూడా పేదలను ఆదుకుంటామన్నారు. ఈ కార్యక్రమంలో స్థానిక తెరాస నేతలు, యూ వీ కెన్ స్వచ్ఛంద సంస్థ ప్రతినిధి సృజన్ పాల్గొన్నారు.

ఇదీ చూడండి: చావులోనూ విడదీయని స్నేహం.. ఒకేరోజు ఇద్దరు మిత్రుల దుర్మరణం