నిజామాబాద్ జిల్లా నవీపేట్ మండలంలో బ్లాక్ ఫంగస్ కలకలం రేగింది. ఎల్కే ఫారానికి చెందిన హరి బాబు(36) బ్లాక్ ఫంగస్ బారినపడి మరణించాడు. మృతుడికి వారం రోజుల క్రితం కరోనా సోకగా హోమ్ ఐసోలేషన్లో ఉండి చికిత్స పొందాడు. పరిస్థితి విషమంగా ఉండటంతో నిజామాబాద్లోని ఆస్పత్రికి తరలించారు.
అక్కడ రెండు రోజులు చికిత్స పొందిన తర్వాత పరిస్థితి ఇంకా విషమించడంతో హైదరాబాద్ గాంధీ ఆస్పత్రికి తరలించారు. అక్కడ చికిత్స పొందుతూ నిన్న రాత్రి మృతి చెందారు. మృతునికి భార్య, ఐదేళ్ల కొడుకు, మూడేళ్ల కుమార్తె ఉన్నారు.
ఇదీ చదవండి: బ్లాక్ ఫంగస్తో మరో మరణం
